Mkombozi wa mwanamke ni mwanamke mwenyewe

Binti huyu nae aangaliwe!

2006-06-24T12:02:00.000+03:00

Hili bado linawaumiza wanawake wengi hususani walio vijijina hasa katika zama hizi za Ari,nguvu na kasi mpya ambayo inatakiwa kumpa maisha bora kila mtanzania.

Nazungumzia suala la wanafunzi waliozaa kutokubaliwa kurudishwa mashuleni, ikiwa Elimu ndio msingi mkubwa wa maisha na ndio njia mojawapo ya kujiletea maendeleo je bila hiyo elimu binti huyu atawezana kweli na kasi hii.

Wengi wamekuwa wakilitazama hili kwa upande mmoja tu,aidha bado jambo hili wanalisikia toka kwa mtu mwingine na sio kwamba limeshamfika yeye mwenyewe au ndugu yake.

Katika kukuza kiwango cha elimu mambo mengi yalifanyika ikiwa ni pamoja na kufuta ada za mashuleni kwa kuwa kila mtu ana haki ya kupata elimu ili aweze kuyamudu maisha,serikali ingemuangalia binti huyu na kumuweka katika kundi hilo la wenye haki hiyo.

Safari bado ni ndefu katika ukombozi wa mwanamke ila ninaamini kama kila mtu atayaona matatizo ya mwanamke mwenzie kuwa ni yake tutaweza kufika huko ambako tunapataka.Hasa kwa kutumia muhimili wetu wa Bunge kupitia wawakilishi wetu ambao siku zinavyozidi kwenda wanakuwa wengi bungeni na katika nyadhifa mbalimbali.

Nawatakia kila lakheri!

Je haya hana ukweli?

2006-05-31T12:05:00.000+03:00

Kweli maneno haya kuhusu kuwepo manabii wengi siku za mwisho tumeyasikia sana, mimi nina tatizo moja na naomba kusaidiwa kama kweli muda huo ndio umefika kwani kutokana na habari hii. soma hapa.

Mkombozi wa mwanamke ni mwanamke mwenyewe

2006-05-29T18:32:00.000+03:00

Juhudi nyingi zinafanyika ili kuhakikisha mwanamke anakuwa na maendeleo, ila pia vipo vikwazo vingi ambavyo vinasababisha hilo lifanyike polepole sana.

Ninyi na mimi tumekuwa mashahidi na kushuhudia suala hili likiwakandamiza sana wanawake katika harakati zao za kujikwamua kimaisha. soma hapa.

Kwa kasi hii tutakwisha!

2006-05-28T11:35:00.000+03:00

Pamoja na juhudi za Serikali za kujaribu kuondoa tatizo la njaa, tatizo hilo limeonekana kutaka kuota mizizi huku likisaidiwa na tatizo la kupanda kwa bei ya mafuta.

Tatizo la kupanda kwa bei ya mafuta limekuja wakati mbaya ambapo bado kuna tatizo la upungufu mkubwa wa chakula.

Huko masokoni chakula kilichopo hakitoshi, lakini kimepanda bei kutokana na gharama za usafirishaji kupanda. wakati ukirudi nyuma unakuja kukwama pale pale kwenye kupanda kwa bei ya mafuta.

Kumbe basi hili nalo ni tatizo tena kubwa ambalo linaweza kuleta madhara kama halitachukuliwa hatua mapema.

Baadhi ya madhara hayo tumeshaanza kuyaona ikiwa ni pamoja na kupanda kwa nauli za daladala na mabasi na kusababisha watu kushindwa kumudu hali ya gharama hizo na kuleta usumbufu mkubwa. kwani usafiri ni muhimu kwao sasa kama utakuwa wa gharama hilo si tatizo kubwa?

Nawatakia siku njema.

Mkombozi wa mwanamke ni mwanamke mwenyewe

2006-05-06T13:19:00.000+03:00

Asalam alakum, kwanza kabisa napendaa kuwaomba radhi wasomaji wangu kwa kuwa kimya kwa kipindi kirefu, ila sasa nimerudi tena kwa Ari mpya,Nguvu mpya, kasi mpya.

Pia napenda kuwapongeza wale wote ambao wamekuwa mstari wa mbele katika kuisoma blogu yangu na kuweza kunipa mawazo mbalimbali na nawaahidi kuutumia vizuri ushauri wao katikaa kuboresha blogu yangu.

Ningepemda kuwaakumbusha kuwa "mkombozi w mwanamke ni mwanamke mwenyewe" nawatakia maisha mema na yenye maafanikio.

Wamarekani Wanatutafuta nini?

2005-11-04T11:39:00.000+03:00

Inashangaza sana kuona kuwa eti kati ya watu, asasi na mashirika mbalimbali yaliyokuwa mashuhuda wa Uchaguzi uliofanyika kule katika Visiwa vya Zanzibar na kushuhudia Karume (yule mdogo) akirejea tena madarakani, ni Wamarekani tu ambao wameona kuwa Uchaguzi huo haukuwa sahihi. Lakini afadhali mambo yangeishia hapo kwa wao kutoa maoni yao tu kwa walivyouona...kufikia hatua ya kudai eti haukuwa halali na kutaka matokeo yake yabatilishwe??? Wamarekani ni akina nani kwa Watanzania?

Sote tuliwapenda,lakini Mungu aliwapenda zaidi!

2005-08-24T18:26:00.000+03:00

Ndivyo wengi wapenzi wa muziki wa kizazi kipya,Ndugu, jamaa marafiki na wengine wote wanaomfahamu hawa hapa.Hakika kweli wametuachia huzuni,lakini sababu mungu alimpenda zaidi hatuna budi kushukuru.

Mungu azilaze roho zao mahali pema peponi. AMIN

Mwingine tena kuongezeka!

2005-08-05T12:33:00.000+03:00

Kwakweli sasa Technologia hii imewapatia hamasa wengi sana na hata kuwa na shauku ya kutaka kujiunga ili nao wajionee wenyewe faida za Utandawazi.Mwanablog mwingine Toka hapahapa Tanzania Bofya Hapa.

Tukiwezeshwa tunaweza!

2005-08-01T12:18:00.000+03:00

Kama ninavyoamini siku zote kuwa wanawake uwezo tunao wa kujiletea maendeleo na kujikomboa katika mfumo dume,hivyo tukiamua na pia kuwezeshwa maendeleo yetu yatatokana na sisi wenyewe.Hilo limeonekana kuaminika kwa wengi kama anavyosisitizia Dr.MARCIA ODELL msome hapa.

Hivi ni kweli misaada ya mikopo iyasaidia kuondoa umaskini?

2005-07-19T11:54:00.000+03:00

Pamoja na watu kuzungumzia suala hili kwa kirefu zaidi huku asilimia kubwa wakiamini kuwa ni kweli fedha wanazokopeshwanchi zinazoendelea na benki ya dunia zitasaidia kuondoa umaskini.

Wapo ambao wamekuwa wakijiuliza kuwa ni muda gani sasa umepita tangu tumeanza kukopesha na bado hali ya wananchi inazidi kuwa mbaya na yakusikitisha,mimi nikiwa mmoja wao.

Kwa kweli mpango huu mimi naona ni wa kuwafaidisha wachache na haswa wale ambao eti wamekuwa wakijidai kutukopesha kwa kigezo cha kutusaidia kujikwamua na na umaskini.

Hivi kuna maendeleo gani iwapo watatukopesha kwa vigezo vya kuwabinafsishia vitega uchumi vyetu,ambavyo ndio njia pekee ya kuweza kutupatia maendeleo? badala ya kutupatia elimu ya namna ya kuvitumia ili kujiletea maendeleo.

Kwakweli suala hilo mimi "Mbado" siliafiki kwa wao kuendelea kutukopesha huku wakituzulumu,ni bora "Umaskini wa mali kuliko wa akili'' nikimaanisha kuwa mali tunazo ila elimu ndio hatuna, hiuvyo hilo ndilo tunalohitaji.

Hii sio kampeni ya kuondoa umaskini, bali ya kuchochea umaskini!

Nawatakia kazi njema.

Kila mwanamkeanahitaji haya!

2005-07-19T11:07:00.000+03:00

Mbali na kuwa na mahitaji yaliyo muhimu kwa binadamu wote lnikimaanisha mwanaume na mwanamke, kwa mwamamke kuna ya ziada ambayo tanaweza kumsaidia maishani na kumuongezea faraja kiatika maisha yake kama haya hapa.

naomba kusaidiwa!

2005-06-30T12:55:00.000+03:00

Jambo hili limekuwa likinitatiza sana na hatimaye nikibaki bila kuwa na jibu la uhakika kuwa kiwango cha uzee wa mtu kinapimwa na umri au maumbile{ nikimaanisha miondoko, mikunjamano ya uso pamoja na ya mwili}

Kwani hata watu wengi nimekuwa nikiwasikia wakijiuliza swali hilohilo bila kupata jibu na mwisho kila mmoja kutafsiri uzee vile ajuavyo yeye hivyo wapendwa wasomaji wa blogu yangu naomba mnisaidie.

Dhana hii imepitwa na wakati!

2005-06-09T11:58:00.000+03:00

wakati wa kupeana haki sawa kwa kupeana nafasi za upendeleo kwa wanawake umepitwa na wakati kwani hautusaidii chochote bali unatulemaza na kuzidi kutuangamiza.

Dhana hii imewafanya wanawake wengi kudumaa na kuona kuwa muda bado haujafika kwa wao kusimama majukwaani na kugombania uongozi mbalimbali ili kujua jamii inawaamini kwa kiasi gani.

Jamani tunachohitaji si viti maalum bali ni uwezo wa kusimama majukwaani na kugombea kama wafanyavyo wengine hilo ndilo la muhimu na la maana katika ukombozi wa mwanamke.

Mkombozi wa mwanamke ni mwanamke mwenyewe!

Hivi kweli hawa ni watumishi wa mungu au waigizaji?

2005-05-25T10:42:00.000+03:00

Hivi ni kweli siku hizi kuna dini kweli au ndio kusema siku za mwisho zimekaribia hivyo manabii wa uongo wanajitokeza na kupotosha watu kama alivyofanya padre huyu hapa.

Kwa kweli hili linahitaji maombi pia!

2005-05-19T12:44:00.000+03:00

Tulikuwa tumeanza kusahau lakini inavyoonyesha tabia hii ya kuchuna ngozi binadamu imerudi tena kwa kasi na kufanya watu mbalimbali kuzungumzia jambo hili kama anavyoelezea Askofu.soma hapa.

Tushirikiane katika kutunza familia!

2005-05-17T12:30:00.000+03:00

Huyu nae alikuwa anamaanisha kuwa kama ni haki sawa basi hata wewe Mama nae una haki ya kutunza familia kwa kutukuchangia kipato katika familia yako. soma hapa.

Urembo waelekea kuikomboa Tanzania

2005-05-07T17:20:00.000+03:00

Kwa wale ambao wamekuwa wakiendelea kuwa na mawazo kuwa fani ya Urembo, Mavazi na Mitindo kuwa ni ya kumdhalilisha Mtanzania, au Mwafrika kwa ujumla kama ambavyo baadhi yetu tumekuwa tukilazimishwa kuamini, bilashaka watatakiwa kusoma hapa, kwanza kabla ya kuanza kutetea au kukanusha hoja yao hiyo.

Maoni ya wanawake kuhusu kikwete!

2005-05-06T13:51:00.000+03:00

Wanawake wengi wameonekana kuupokea kwa shagwe sana uteuzi wa Waziri kikwete kugombea urais kwa kupitia CCM huku wengine wakidai kuwa ni mkombozi wao na kusahau kuwa ukombozi wao utaletwa na wao wenyewe na si vinginevyo.

Wapo waliosikika wakisema kuwa "sasa tumeula" wakimaanisha sasa maisha yao yatakwenda kama walivyopananga kwani kikwete aliwaahidi nini kina mama ambacho Marais waliopita walishindwa kutekeleza? Mimi sijui.

Wengine walisikika wakisema kuwa ana huruma sana na akinamama na kuwa siku zote amekuwa akiwatakia mema, wapo waliosema kuwa sasa kazi nje nje wakimaanisha kuwa watapata ajira bila wasi wasi.Mimi Binafsi siku zote napenda Kiongozi atakayeniwekea mazingira mazuri ya kuweza kufanya kazi na kupanga maisha yangu kama ndoto zangu.

Na mwenye kumthamini, kumheshimu na kumjali mwanamke yeyote ambaye yupo katika dunia hii bila kujali anakaa wapi, amezaliwa katika familia gani,ni mke au mtoto wa nani, ila awaone wote ni sawa kwake.

Mambo yanazidi kuiva, Ni kiswahili kwenda mbele sasa

2005-05-04T11:24:00.000+03:00

Kiswahili, kiswahili kiswahili. Yaani ni kiswahili kwenda mbele hivi sasa. Hivi karibuni nimepokea na kupata anwani mpya za wanablogi wanaotumia lugha ya Kiswahili, ambazo ni pamoja na ya Martha Mtangoo na Beatrice Daffa, wanaoblogi kutokea Dodoma Tanzania na nyingine ya Indya Nkya, ambaye yeye yuko Moshi (Kilimanjaro) pia Tanzania.

Ndugu zangu, Watanzania wenzangu na wanablogi wenzangu, nina jambo moja ambalo napenda mlichukue kama neno langu la kuwakaribisha. Wakati nilipokuwa naanza kublogi kwa mara ya kwanza kabisa, sikuwa hata najua nini ninachokifanya, lakini kwa kadiri ambavyo nimekuwa nikiendelea nimekuwa nikibaini kuwa kumbe sikuwa napoteza muda wangu bure. Kuna mambo mengi ambayo yatakuja mbele yetu na hakika hatutajuta kupoteza muda wetu, kwa mujibu wa kaka yangu Ndesanjo. Karibuni wandugu wapendwa

Hayawi hayawi, hatimae...........

2005-05-03T11:39:00.000+03:00

Kuna msemo wa kale, wa Wahenga usemao, Hayawi hayawi, hatimaye huwa. Hili ndilo linalowatokea baadhi ya wazee wetu ambao walistaafu kutoka katika lililokuwa Shirikisho la nchi za Afrika Mashariki miaka kibao iliyopita lakini hadi leo hii hawajapewa mafao yao, ikiwa ni zaidi ya miaka 30 sasa. Lakini baada ya miaka yote hiyo, hatimaye kaibuka jamaa mmoja na kuwaahidi kuwa mafao hayo yako mbioni kuelekea mifukoni mwao hivi karibuni. Ni nani aliahidi hayo? Soma hapa

Wanawake Tanzania wataka mabadiliko ya katiba

2005-05-02T18:35:00.000+03:00

Ikiwa kila kitu kitaenda kama kilivyopangwa, mwaka huu wa 2005, huenda ,mwanamke wa Kitanzania, akaendelea kusonga mbele katika jitihada zake za kujikomboa kutoka makucha ya uonevu, ukandamizwaji na udhalilishwaji. hatua hii itakuja ikiwa mabadiliko ya katiba yaliyopendekezwa na wanawake yatapitishwa na Bunge la Jamhuri ya Muungano wa Tanzania. Je, wajua mabadiliko hayo yamezungumzia nini au kugusia sehemu gani muhimu? Soma hapa

Wakombozi wa wanawake

2005-05-02T18:19:00.000+03:00

Je wewe ni mwanamke na unahitaji msaada wowote kwa ajili ya masuala mbalimbali yatokanayo na imani potofu dhidi ya wanawake? Usipate shida, soma hapa kujua wapi pa kukimbilia ikiwa unahisi bado uko katika makucha ya ukandamizaji dhidi ya wanawake.

Kwanini wanawake tusishinde?

2005-05-02T18:14:00.000+03:00

Hakika saa ya ukombozi wa mwanamke inazidi na itazidi kupamba moto kwa kwa nia ya kumkomboa mwanamke huyu ambaye alionekana kujengwa na kunyanyapaliwa na jamii kijinsia.

Miongoni mwa mambo ambayo yalikuwa sio tu yakimuumiza mwanamke, bali pia kumshushia hadhi yake ni pamoja na suala la Ukeketaji, mila ambayo kwa kipindi kirefu imekuwa ikifanywa na makabila mbalimbali nchini Tanzania, kutokana na imani ambazo hakika zilikuwa zimelenga katika kumdhalilisha mwanamke.

Ni wazi kuwa mapambano ya kumkomboa mwanamke kutoka katika makucha ya mila potofu za kumkandamiza, kumdhalilisha na hata kumshushia thamani, lakini kwa juhudi za pamoja, nina imani kuwa hakuna wa kuweza kutuzuia kuweza kufikia malengo yetu.

Soma hapa kujua jinsi ambavyo baadhi ya wadau wamekuwa wakishiriki kikamilifu katika kuwasaidia wanawake kujikomboa kutoka katika makucha ya mila hii potofu.

Juhudi za dhati za wanawake

2005-04-30T13:21:00.000+03:00

Mmoja kati ya wana-Blogi wa kiswahili (Bw. Ramadhani Msangi), katika makala yake moja ametamka maneno haya:- "Amka mwanamke wa Kitanzania, amka mwanamke wa Kiafrika. Popote pale ulipo katika dunia hii, amka SAA YA UKOMBOZI NI SASA". wakati akiuelezea mkutano wa kwanza na wa aina yake kuwahi kufanyika ambao utawahusu akina mama toka sehemu mbalimbali duniani kwa ajili ya kujadili pamoja na mambo mengine, nafasi na ushiriki wao katika ulimwengu wa Teknolojia ya habari na Mawasiliano, kwa njia ya mtandao wa kompyuta.

Katika siku za karibuni, nitaendelea kuwataarifu zaidi juu ya kile kitakachokuwa kikiendelea wakati tukiuelekea mkutano huo unaokwenda kwa jina la Blogher utakaofanyika mwishoni mwa mwezi Julai mwaka huu, nchini Marekani. Wakati tukiwa tunasubiri kujua kitakachotokea huko, wale ambao watahitaji kujua kuwa maandalizi yanakwenda vipi kwa lugha ya kingereza wanaweza pia kufuatilia kwa kusoma hapa.

Ni bahati nzuri pia kuwa huenda mambo yakiwa kama yanavyoandaliwa, atakuwepo au watakuwepo Watanzania watakaoshiriki mkutano huo kwa minajili ya kuuripoti kwa njia ya mtandao mkutano huo, katika lugha ya kiswahili. Fuatilia juu ya hili kwa kubonyeza hapa.

Tujirekebishe

2005-04-28T18:39:00.000+03:00

Mimi huwa sishangai mtu anaposema kuwa anakunywa pombe kwa starehe bali nashangaa pale anapokunywa hizo pombe na baada ya kumaliza huporomosha matusi makubwa bila kujali kuwa wapo watoto ambao wangehitaji kuiga mema kutoka kwake.

Tabia hii kwa kweli sio nzuri na ningeomba wenye nayo wajirekebishe kwani haitajenga mazingira mazuri kwa watoto wetu hasa wale ambao siku zote wanaiga kutoka kwa wazazi au walezi wao na bila ya kubagua mambo ya kuiga wakidhani kuwa yote wanayoiga ni mema.

Ni kweli pombe ukinywa lazima utukane au utoe maneno machafu tena mbele ya watoto? mimi sidhani hilo lina ukweli hata kidogo kwani kama ingekuwa hivyo basi nchi hii ingejaa watu wasio na busara hata kidogo na ambao hawaheshimiki kwani suala la kutukana hadharani linashusha heshima ya mtu.

Kwani kama mtu atakuwa na mazoea ya kuwa kila atakapokunywa pombe ni lazima atoe matusi nina hakika hata kama ulikuwa unaheshimika kwa kiasi gani na watu wa hadhi gani? ni lazima heshima hiyo itapungua tena kwa kiasi kikubwa kwani matusi sio kitu cha kumuongezea mtu sifa bali kumdhalilisha tu.

Siku zote mimi naamini kila kitu kinawezekana kama mtu kweli atakuwa amedhamiria kukifanya kwa kuona umuhimu wake na madhara yake hivyo na hata hili la kubadilisha tabia za kutukana hadharani pia linawezekana.Na kama Mtu binafsi hawezi kunywa pombe bila kutukana basi ni vizuri akaacha kunywa hizo pombe na kubaki akiheshimiwa.

Wasomaji wangu msione labda mimi naingilia maisha ya watu bali haya ni kati ya yale mambo nisiyoyapenda mimi na kama kuna mwingine yanamkera. Naomba watu wasijenge chuki kwani kila mtu anacho anachokichukia hapa duniani.

Naomba mungu awabariki katika maisha yenu na shughuli zenu kwa ujumla.

Kwaherini na mkae salama.

Unyama huu mpaka lini?

2005-04-23T18:56:00.000+03:00

Kipigo,matusi,unyanyasaji wa kijinsia na mengime mengi machafu na ya kinyama yamekuwa yakizidi kutokea na kumfanya mwanamke aonekane bado hana haki katika jamii.

Mimi kama Mwanamke ambaye naamini mkombozi wa mwanamke ni mwamnamke mwenyewe nimekuwa nikijisikia vibaya sana kuzidi kuendelea kwa vitendo hivi vya kinyama dhidi yetu tena hasa vikiwa vimefanya na wanaume.

Hivi karibuni kumetokea kitendo kimoja cha kibaya sana dhidi ya Mwanamke ambacho mimi ninakiita ni cha kinyama kwani hastaili kufanyiwa binadamu wa aina yoyote yule hta kama nagekuwa amefanya kosa kubwa kiasi gani.

Tukio hilo ambalo lilitangazwa na vyombo vyetu vya habari hapa nchini
kuhusu Kijana mmoja ambaye aliamua kumnyanyasa Binti mmoja kwa kumuunguza na pasi ya umeme katika baadhi ya sehemu za mwili wake kwa kile alichokiita yeye kumkomesha.

Kijana huyo aliamua kufanya hivyo baada ya kunyimwa kufanya tendo la noa na binti huyo ambaye alikuwa akiamini kuwa yule ni kama kaka yake hivyo asingeweza kufanya nae kitendo hicho.

Mimi nikiwa kama mwanamke ambaye Nisingependa kuona vitendo hivyo vikiendelea kutendeka dhidi yetu napenda kuwaomba wanawake wenzangu ambao wako katika ngazi ya juu na wenye uwezo wa kumtetea mwanamke na wakasikika wawe mstari wa mbele katika kukemea hilo mwani mkombozi wa mwanamke ni mwanamke mwenyewe.

Mimi naamini uwezo tunao wa kujikomboa sisi wenyewe na kukemea kabisa vitendo viovu ambavyo vimekuwa vikifanya dhidi yetu kwani hakuna atakayekuja kutukomboa bali ni sisi wenyewe tukiamua kupambana na wale wote ambao wanapenda kumkandamiza mwanamke.

Nawatakia Mapambano mema katika kumkomboa Mwanamke.

Nawashukuru Sana

2005-04-20T19:39:00.000+03:00

Nawashukuru wote ambao wamejitokeza kunikaribisha katika uwanja huu. Bado niko katika maandalizi ya kuanza kuwasilisha maoni yangu kupitia safu hii na kuwapa nyie nafasi ya kuchangia. Ahsanteni na endeleeni kukaa mkao wa kula.

Ninabisha hodi

2005-04-15T17:24:00.000+03:00

Inawezekana kabisa kuwa sina uzoefu wa kiasi hicho lakini kwakuwa siku zote nimekuwa nikiamini kuwa kujaribu ndio kufanikiwa, sikuona kwanini nami nisijiunge katika uwanja huu wa kubadilishana uzoefu kupitia njia ya Mtandao.

Kwa ujumla kuna watu wengi sana ambao wameniwezesha walau kufikia hatua hii na ambao naamini kwamba wataendelea kunipa msaada wa aina yoyote kuhusiana na mambo ya blogu, pindi nikiuhitaji kutoka kwao.

Kama niulivyokwisha sema awali, walo wengi lakini labda napenda kumshukuru Bw. Ramadhani Msangi, kwa niaba yao wote, namshukru sana kwa yote anayonifanyia na namuombea Mungu amjaalie maisha mema na marefu.